NEET UG 2024 Counselling Registration: మెడికల్ కాలేజీల్లో MBBS, BDS కోర్సుల్లో ప్రవేశాలకు నిర్వహించే నీట్ కౌన్సెలింగ్ నిర్వహణకు ఎంసీసీ సిద్ధమవుతోంది. పూర్తి వివరాలను పరిశీలిస్తే..
NEET Counselling 2024: నేటి నుంచి NEET UG 2024 కౌన్సెలింగ్ షురూ.. MCC ఆలిండియా కోటా కౌన్సెలింగ్ ప్రాసెస్ ఇదే!
NEET UG 2024 Counselling Registration: మెడికల్ కాలేజీల్లో MBBS, BDS కోర్సుల్లో ప్రవేశాలకు నిర్వహించే నీట్ కౌన్సెలింగ్ నిర్వహణకు ఎంసీసీ సిద్ధమవుతోంది. పూర్తి వివరాలను పరిశీలిస్తే..
NEET UG Counselling 2024 Registration: దేశ వ్యాప్తంగా ఎంబీబీఎస్, బీడీఎస్తోపాటు ఆయుష్ వైద్య కోర్సుల్లో ప్రవేశానికి సంబంధించిన నీట్ యూజీ 2024 కౌన్సెలింగ్కు సమయం ఆసన్నమైంది. ఆగస్టు 14 నుంచి రిజిస్ట్రేషన్లు ప్రారంభం కానున్నాయి. ఈ నేపథ్యంలో నీట్ యూజీ కౌన్సెలింగ్ 2024 ప్రక్రియ ఎలా ఉంటుంది.. ఆల్ ఇండియా కోటా, స్టేట్ కోటా సీట్ల భర్తీ విధానం.. తెలుగు రాష్ట్రాలకు సంబంధించి సీట్ల భర్తీ తీరు, నీట్ ర్యాంకర్లు కౌన్సెలింగ్కు సిద్ధం చేసుకోవాల్సిన పత్రాలు వంటి అంశాల గురించి తెలుసుకుందాం..
నీట్ యూజీ కౌన్సెలింగ్ను రెండు విధానాల్లో నిర్వహించి సీట్ల భర్తీ చేపడతారు. అవి.. ఆల్ ఇండియా కోటా, స్టేట్ కోటా. ఆల్ ఇండియా కోటా సీట్ల భర్తీని డీజీహెచ్ఎస్కు చెందిన మెడికల్ కౌన్సెలింగ్ కమిటీ నిర్వహిస్తుంది. రాష్ట్ర కోటాకు సంబంధించి.. రాష్ట్రాల వైద్య విశ్వ విద్యాలయాలు కౌన్సెలింగ్ నిర్వహిస్తాయి.మొత్తం సీట్ల వివరాలివే :
- నేషనల్ మెడికల్ కమిషన్ గణాంకాల ప్రకారం.. దేశ వ్యాప్తంగా మొత్తం 783 మెడికల్ కాలేజీల్లో 1,61,220 సీట్లు ఉన్నాయి. వీటిలో 331 ప్రైవేట్ కాలేజీలు, డీమ్డ్ యూనివర్సిటీలు ఉండగా.. అందుబాటులో ఉన్న సీట్ల సంఖ్య 74,703. అదేవిధంగా నీట్ యూజీ స్కోర్తోనే భర్తీ చేసే బీడీఎస్ కోర్సులో 28,088 సీట్లు, ఆయుష్ కోర్సుల్లో 52,720 సీట్లు అందుబాటులో ఉన్నాయి.
- తెలుగు రాష్ట్రాలకు సంబంధించి ఆంధ్రప్రదేశ్లో.. ప్రస్తుతం 16 ప్రభుత్వ మెడికల్ కాలేజీల్లో 2,935 ఎంబీబీఎస్ సీట్లు.. మరో 16 ప్రైవేట్ కాలేజీల్లో 2,850 సీట్లు ఉన్నాయి. రెండు మైనారిటీ కాలేజీల్లో 300 సీట్లు.. అలాగే.. స్వయం ప్రతిపత్తి కలిగిన శ్రీ పద్మావతి మహిళా వైద్య కళాశాలలో 175 సీట్లు ఉన్నాయి. బీడీఎస్కు సంబంధించి.. రెండు ప్రభుత్వ డెంటల్ కళాశాలల్లో 140 సీట్లు.. 14 ప్రైవేట్ కళాశాలల్లో 1,300 సీట్లు చొప్పున ఉన్నాయి.
- తెలంగాణ రాష్ట్రంలో.. ఎంబీబీఎస్కు సంబంధించి 27 ప్రభుత్వ కళాశాలల్లో 3,790 సీట్లు.. 29 ప్రైవేట్, మైనారిటీ కళాశాల్లో 4,700 సీట్లు ఉన్నాయి. బీడీఎస్కు సంబంధించి ఒక ప్రభుత్వ కళాశాలలో 100 సీట్లు.. 10 ప్రైవేట్ కళాశాలల్లో 1,000 సీట్లు.. వీటికి అదనంగా సికింద్రాబాద్ ఆర్మీ డెంటల్ కాలేజీలో 6 సీట్లు ఉన్నాయి.
ఆల్ ఇండియా కోటా కౌన్సెలింగ్ విధానం :
జాతీయ స్థాయిలోని అన్ని మెడికల్, డెంటల్ కాలేజీలు, యూనివర్సిటీల్లోని 15 శాతం సీట్లకు ప్రత్యేకంగా కౌన్సెలింగ్ నిర్వహిస్తారు. దీనిని కేంద్ర ప్రభుత్వ ఆధ్వర్యంలోని డీజీహెచ్ఎస్కు చెందిన మెడికల్ కౌన్సెలింగ్ కమిటీ (MCC) చేపడుతుంది. ఆసక్తి ఉన్న విద్యార్థులు తప్పనిసరిగా ఎంసీసీ నిర్వహించే కౌన్సెలింగ్కు ప్రత్యేకంగా దరఖాస్తు చేసుకోవాలి. ఆల్ ఇండియా కోటా విధానంలో ఒక రాష్ట్రానికి చెందిన అభ్యర్థులు ఇతర రాష్ట్రాల్లోని మెడికల్ కాలేజీల్లో సీట్లకు కూడా పోటీ పడే అవకాశం లభిస్తుంది.ఏఐక్యూ కౌన్సెలింగ్ ప్రాసెస్ :
- విద్యార్థులు ఈ కౌన్సెలింగ్కు హాజరయ్యేందుకు ముందస్తు సంసిద్ధంగా ఉండాలి. జాతీయ స్థాయిలోని సీట్లకు పోటీ పడాలనుకునే విద్యార్థులు.. మెడికల్ కౌన్సెలింగ్ కమిటీ నిర్వహించే ఆన్లైన్ కౌన్సెలింగ్కు హాజరు కావాలి. ఇందుకోసం ఎంసీసీ వెబ్సైట్ https://mcc.nic.in/ లో అందుబాటులో ఉండే క్యాండిడేట్ రిజిస్ట్రేషన్ ఆప్షన్ను క్లిక్ చేసి.. ఆన్లైన్ విధానంలో రిజిస్ట్రేషన్ చేసుకుని లాగిన్ ఐడీ, పాస్వర్డ్ క్రియేట్ చేసుకోవాలి. అనంతరం ఆన్లైన్ అప్లికేషన్లో ఉండే అన్ని వివరాలను నమోదు చేయాలి.
- తర్వాత అందుబాటులో ఉన్న కాలేజీలు, సీట్ల వివరాలు కనిపిస్తాయి. వాటికి అనుగుణంగా తమ ప్రాథమ్యాలను పేర్కొంటూ.. ఆన్లైన్ ఛాయిస్ ఫిల్లింగ్ పూర్తి చేయాలి. ఆ తర్వాత రౌండ్ల వారీగా సీట్ అలాట్మెంట్ వివరాలను వెల్లడిస్తారు.
- తొలి రౌండ్లో సీట్ అలాట్మెంట్ పొందిన అభ్యర్థులు సదరు కాలేజీల్లో చేరాలనుకుంటే.. నిర్దేశిత మొత్తాన్ని రిజిస్ట్రేషన్ ఫీజుగా చెల్లించాల్సి ఉంటుంది.
- తొలి రౌండ్లో సీటు వచ్చిన కాలేజీల్లో చేరడం ఇష్టం లేకుంటే.. ఫ్రీ ఎగ్జిట్ అవకాశం అందుబాటులో ఉంది. వీరు రెండో రౌండ్ కౌన్సెలింగ్కు హాజరు కావొచ్చు.
- తొలి రౌండ్ కౌన్సెలింగ్లోనే సీటు లభించి ఫీజు చెల్లించిన అభ్యర్థులు మరింత మెరుగైన సీటు కోసం తదుపరి రౌండ్కు హాజరయ్యే అవకాశం కూడా ఉంది.
ఈ ధ్రువపత్రాలు సిద్ధంగా ఉంచుకోండి:
నీట్ ఎంట్రన్స్ అడ్మిట్ కార్డ్, నీట్ ర్యాంక్ కార్డ్, పుట్టిన తేదీ ధ్రువపత్రం, పదో తరగతి సర్టిఫికెట్, ఇంటర్మీడియెట్ తత్సమాన కోర్సు మార్క్ షీట్, సర్టిఫికెట్, ఆరో తరగతి నుంచి ఇంటర్మీడియెట్ వర్టకు స్టడీ సర్టిఫికెట్స్(స్థానికతను నిర్ధారించేందుకు), 8 పాస్పోర్ట్ సైజ్ ఫొటోగ్రాఫ్స్ ఇలా కౌన్సెలింగ్ విధానంతోపాటు అవసరమైన అన్ని సర్టిఫికెట్లను సిద్ధంగా ఉంచుకోవాలి.Apply Here:
BK Technologies, H no: 3-52/7/A, Mother Theresa School Opposite, Vidyanagar, Choutuppal, Ph: 9491830610
ఇక్కడ దరఖాస్తు చేసుకోండి:
Comments
Post a Comment