Rajiv Yuva Vikasam Scheme: రాష్ట్రంలోని యువతకు స్వయం ఉపాధి కల్పించేందుకు తెలంగాణ ప్రభుత్వం ఈ పథకాన్ని ప్రారంభించనుంది. దరఖాస్తుకు చివరి తేదీ: 14 ఏప్రిల్ 2025

 రాజీవ్ యువ వికాసం పథకం.. యువతకు మంచి ఛాన్స్, ఉద్యోగం లేదనే చింత వద్దు

---

Rajiv Yuva Vikasam Scheme: నిరుద్యోగులైన యువతకు ఒక మంచి అవకాశం రాజీవ్ యువ వికాసం పథకం. రాష్ట్రంలోని యువతకు స్వయం ఉపాధి కల్పించేందుకు తెలంగాణ ప్రభుత్వం ఈ పథకాన్ని ప్రారంభించనుంది. ఈ పథకం ద్వారా రాష్ట్రవ్యాప్తంగా 5 లక్షల మంది యువతకు ఆర్థిక సహాయం అందించనున్నారు. ఎస్సీ, ఎస్టీ, బీసీ, మైనారిటీ వర్గాల యువతకు 4 లక్షల రూపాయల వరకు ఆర్థిక సహాయం లభిస్తుంది. దీని కోసం ప్రభుత్వం 6 వేల కోట్ల రూపాయల బడ్జెట్‌ను కేటాయించింది. రాజీవ్ యువ వికాసం పథకానికి ఎవరు అర్హులు? ఎలా దరఖాస్తు చేసుకోవాలి? యూనిట్‌లను ఎలా ఎంచుకోవాలి? ఎలా ఎంపిక చేస్తారు? పూర్తి వివరాలు..

అంశాలు

ఉన్నత చదువులు చదివినా.. చాలా మంది యువత ఉద్యోగాలు రాక ఖాళీగా మిగిలిపోతున్నారు. అలాంటి వారికి స్వయం ఉపాధి కల్పించే సంకల్పంతో తెలంగాణ ప్రభుత్వం ప్రవేశపెట్టిన ప్రతిష్టాత్మక పథకం ‘రాజీవ్ యువ వికాసం’. ఇందులో భాగంగా యువతకు 4 లక్షల రూపాయల వరకూ ఆర్థిక సాయం అందిస్తోంది. ముఖ్యమంత్రి ఎనుముల రేవంత్ రెడ్డి మార్చి 15న రాజీవ్ యువ వికాసం పథకాన్ని ప్రారంభించారు. రాష్ట్రంలోని 5 లక్షల మంది యువతకు లబ్ధి చేకూరుస్తామని ఆయన చెప్పారు. నిరుద్యోగ యువతకు ఇది తెలంగాణ ప్రభుత్వం కల్పిస్తున్న ఒక మంచి అవకాశం.

రాజీవ్ యువ వికాసం పథకం అంటే ఏమిటి?

తెలంగాణ రాష్ట్రంలోని యువతకు స్వయం ఉపాధి కల్పించేందుకు ప్రభుత్వం ప్రారంభించిన పథకం రాజీవ్ యువ వికాసం (Rajiv Yuva Vikasam Scheme). దీని ద్వారా రాష్ట్రంలో SC/ST/BC మరియు మైనారిటీ వర్గాలకు చెందిన యువతకు స్వయం ఉపాధి అవకాశాలు కల్పిస్తారు. ఈ పథకం కింద ఒక్కొక్కరికి రూ. 50,000 నుంచి రూ. 3 లక్షల వరకు ఆర్థిక సహాయం అందిస్తారు. ఇందు కోసం రాష్ట్ర ప్రభుత్వం రూ. 6000 కోట్ల బడ్జెట్‌ను కేటాయించింది. ఒక్కో యూనిట్‌కు గాను రాష్ట్ర ప్రభుత్వం 60 నుంచి 100 శాతం వరకు సబ్సిడీ ఇస్తుండగా.. అభ్యర్థి భరించాల్సిన మిగిలిన మొత్తాన్ని కూడా బ్యాంక్ నుంచి రుణంగా అందిస్తుండటం విశేషం. ఎంపికైన వారికి ఆయా రంగాల్లో నైపుణ్యం కోసం 15 రోజుల పాటు శిక్షణ అందిస్తారు.

రాజీవ్ యువ వికాసం పథకం కింద ఆర్థిక రాయితీ

యూనిట్ ఖర్చు	ప్రభుత్వ సబ్సిడీ	బ్యాంకు రుణం
రూ.50,000ల వరకు	100%	0
రూ.50,001 నుంచి రూ.1,00,000	90%	10%
రూ.1,00,001 నుంచి రూ.2,00,000	80%	20%
రూ.2,00,001 నుంచి రూ.4,00,000	70%	30%
వల్నరబుల్ గ్రూప్స్‌కు రూ. లక్ష వరకు	90%	(10% EMF)
మైనర్ ఇరిగేషన్	100%	0

రాజీవ్ యువ వికాసం పథకం ముఖ్య ఉద్దేశం:

✧ రాష్ట్రంలోని యువతకు స్వయం ఉపాధి అవకాశాలు కల్పించడం.
✧ చిన్న తరహా పరిశ్రమలు లేదా యూనిట్లు ఏర్పాటు చేసుకోవడానికి యువతకు రూ. 3 లక్షల ఆర్థిక సహాయం.
✧ ఈ పథకం ద్వారా 5 లక్షల మంది యువతకు లబ్ధి కల్పించడం.
✧ ఉద్యోగాలు వెతుక్కోకుండా, యువతను సొంతంగా ఉద్యోగాలు సృష్టించేలా ప్రోత్సహించడం.

రాజీవ్ యువ వికాసం పథకానికి ఎవరు అర్హులు?

★ దరఖాస్తుదారులు తెలంగాణ రాష్ట్రానికి చెందిన శాశ్వత నివాసి అయి ఉండాలి.
★ నిరుద్యోగులు మాత్రమే ఈ పథకం కోసం దరఖాస్తు చేసుకోవాలి.
★ విద్యార్హతలతో నిమిత్తం లేకుండా రుణాలు మంజూరు చేస్తారు.
★ ఎస్సీ/ఎస్టీ/బీసీ/ఎంబీసీ/మైనారిటీ వర్గాలకు చెందిన వారై ఉండాలి.
★ కుటుంబ వార్షిక ఆదాయం గ్రామీణ ప్రాంతాల్లో ఏడాదికి రూ. 1.5 లక్షల లోపు, పట్టణ ప్రాంతాల్లో రూ. 2 లక్షల లోపు ఉన్నవారు మాత్రమే అర్హులు.
★ ఒక కుటుంబం నుంచి ఒక్కరికే అవకాశం ఉంటుంది. గతంలో కార్పొరేషన్‌ రాయితీ రుణం తీసుకుని ఉంటే, ఐదేళ్ల కాలం వరకు మరోసారి దరఖాస్తు చేసుకునే అవకాశం ఉండదు. ఐదేళ్ల కాలపరిమితి దాటిన తర్వాత దరఖాస్తు చేసుకోవచ్చు.
★ దరఖాస్తుదారులు ఏ యూనిట్‌నైనా ఎంపిక చేసుకోవచ్చు. సంబంధిత రంగంలో అప్పటికే అనుభవం ఉన్న వారికి, నైపుణ్యం కలిగిన వారికి ఎంపికలో ప్రాధాన్యం ఉంటుంది.
★ పథకం కింద పేర్కొన్న కేటగిరీల్లో అత్యంత పేదలకు తొలి ప్రాధాన్యం ఉంటుంది.
★ వయస్సు వ్యవసాయ రంగాల వారు 21 నుంచి 60 ఏళ్ల మధ్య ఉండాలి.
★ వ్యవసాయేతర రంగాలకు సంబంధించిన వారు 21 నుంచి 55 ఏళ్ల మధ్య ఉండాలి.

రాజీవ్ యువ వికాసం పథకానికి దరఖాస్తు చేసేందుకు కావాల్సిన పత్రాలు:

✦ ఆధార్‌ కార్డు
✦ రేషన్ కార్డు/ఆహార భద్రతా కార్డు (లేదా) ఆదాయ ధ్రువపత్రం
✦ కుల ధ్రువీకరణ పత్రం
✦ బ్యాంక్ ఖాతా పాస్‌బుక్
✦ పట్టాదార్‌ పాస్‌ పుస్తకం (వ్యవసాయ రంగానికి)
✦ డ్రైవింగ్‌ లైసెన్స్‌ (రవాణా రంగం పథకానికి)
✦ బలహీన వర్గాల ధ్రువపత్రం (మండల స్థాయి కమిటీచే ధ్రువీకరించింది)
✦ దివ్యాంగులైతే సదరం ధ్రువపత్రం
✦ మొబైల్ నంబర్
✦ పాస్‌పోర్ట్ సైజ్ ఫోటో

రాజీవ్ యువ వికాసం పథకం ప్రయోజనాలు

ముఖ్యమైన ఉపాధి అంశాలు:

రాజీవ్ యువ వికాసం పథకం కింద పలు రంగాల్లో వివిధ యూనిట్లను నెలకొల్పేందుకు యువతకు ఆర్థిక సాయం అందించనున్నారు. వ్యవసాయ, వ్యవసాయేతర రంగాలు కలిపి ప్రభుత్వం మొత్తం 300లకు పైగా స్కీమ్‌లను పేర్కొంది. అందులో ముఖ్యమైనవి..

వ్యవసాయ అంశాలు

1. ఎద్దుల బండ్లు
2. ఆయిల్ ఇంజిన్
3. పంప్ సెట్
4. ఎయిర్ కంప్రెషర్
5. పత్తి సేకరణ యంత్రం
6. వేరుషనగ మిషన్
7. వర్మీ కంపోస్ట్
8. ఆయిల్ ఫామ్ పంట

పశుపోషణ:

1. గేదెలు
2. ఆవులు
3. డైరీ ఫారం
4. కోడిగుడ్ల వ్యాపారం
5. చేపల వ్యాపారం
6. మేకల పెంపకం
7. పాల వ్యాపారం
8. పౌల్ట్రీ ఫారం
9. గొర్రెల పెంపకం

సొంత వ్యాపారం:

1. ఎయిర్ కూలర్ల వ్యాపారం
2. స్టీల్ సామాన్ల వ్యాపారం
3. ఆటోమొబైల్ షాపు
4. బేకరీ షాపు
5. గాజుల దుకాణం
6. హెయిర్ కటింగ్ షాపు
7. బుట్టల తయారీ షాపు
8. బ్యూటీ పార్లర్ షాపు
9. జనరల్ స్టోర్
10. ఇటుకలు తయారీ వ్యాపారం
11. డిష్ టీవీల ఏర్పాటు
12. వడ్రంగి షాపు
13. సీసీ కెమెరాల రిపేర్ షాప్
14. ఎలక్ట్రిక్ షాపు
15. ఎలక్ట్రానిక్ వస్తువుల రిపేర్ కేంద్రం వైరింగ్ కేంద్రం
16. మగ్గం టైలరింగ్
17. చెప్పులు అమ్మే దుకాణం
18. పండ్ల వ్యాపార కేంద్రం
19. పండ్ల రసాల దుకాణం
20. బట్టల దుకాణం
21. కిరాణం జనరల్ స్టోర్
22. జనరేటర్ షాప్
23. గిఫ్ట్ ఆర్టికల్ షాప్
24. బంగారు నగల దుకాణం
25. పిండి గిర్ని కేంద్రం
26. హోటల్ ఏర్పాటు
27. ఐస్ క్రీమ్ పార్లర్ ఏర్పాటు
28. ఐరన్ బిజినెస్
29. లేడీస్ కార్నర్
30. లాండ్రీ షాపు డ్రై క్లీనింగ్
31. పేపర్ ప్లేట్ల తయారీ
32. లైట్స్ డెకరేషన్ సౌండ్ సిస్టం
33. అగరబత్తుల తయారీ
34. మినీ సూపర్ బజార్
35. మెడికల్ అండ్ జనరల్ స్టోర్
36. ఆటో టిఫిన్ సెంటర్
37. మోటార్ మెకానిక్
38. మోటార్ అండ్ పైప్ లైన్
39. మటన్ షాపు
40. పాన్ షాపు
41. పేపర్ బ్యాగుల తయారీ
42. ఫోటో అండ్ వీడియో షాపు
43. పిండి గిర్ని
44. ఫిల్టర్ వాటర్ కేంద్రం
45. రెడీమేడ్ బట్టల దుకాణం
46. చీరల వ్యాపారం
47. స్లాబ్ కటింగ్ మిషన్
48. స్ప్రే పెయింటింగ్ మిషన్
49. స్టీల్ అండ్ సిమెంట్
50. స్టిచింగ్ మిషన్
51. సప్లయర్స్ షాపు
52. మిఠాయిల షాపు
53. టైలరింగ్
54. వెల్డింగ్ షాపు
55. వాటర్ సర్వీసింగ్ సెంటర్
56. కూరగాయల వ్యాపార షాపు
57. టిఫిన్ అండ్ టీ షాప్
58. టీవీ మెకానిక్ షాప్
59. సెల్‌ఫోన్ రిపేర్ షాప్
60. సిమెంటు ఐరన్ షాపు
61. సెంట్రింగ్ పరికరాల షాపు
62. చెప్పుల తయారీ షాపు
63. చికెన్ సెంటర్
64. బట్టల వ్యాపారం
65. కాఫీ హోటల్
66. కాంక్రీట్ మిల్లర్స్ పరికరాలు
67. కూల్ డ్రింక్ షాప్
68. క్రేన్
69. కర్రీస్ పాయింట్
70. సైకిల్ మెకానిక్
71. వ్యాధి నిర్ధారణ కేంద్రాల ఏర్పాటు
72. డీజిల్ ఆటో
73. డిజిటల్ కెమెరా షాపు
74. సెటప్ బాక్స్‌ల ఏర్పాటు
75. కూరగాయల దుకాణం

రాజీవ్ యువ వికాసం పథకంలో పేర్కొన్న పూర్తి స్కీమ్‌ల కోసం క్లిక్ చేయండి..

రాజీవ్ యువ వికాసం పథకానికి ఎలా దరఖాస్తు చేసుకోవాలి?

రాజీవ్ యువ వికాసం పథకం కోసం అధికారులకు దరఖాస్తు పెట్టుకోవచ్చు. అదేవిధంగా ఆన్‌లైన్‌లోనూ దరఖాస్తు చేసుకోవచ్చు. మీ సేవా కేంద్రాల్లోనూ దరఖాస్తు చేసుకోవచ్చు. ముందుగా ఆఫ్‌లైన్ దరఖాస్తు పద్ధతి గురించి తెలుసుకుందాం.

రాజీవ్ యువ వికాసం దరఖాస్తుపత్రం డౌన్‌లోన్:

Rajiv Yuva Vikasam Application Download
Rajiv Yuva Vikasam application form
✧ రాజీవ్ యువ వికాసం పథకానికి సంబంధించిన దరఖాస్తు పత్రాలను సంబంధిత అధికారుల (ఎంపీడీవో కార్యాలయం/ మున్సిపల్ కార్యాలయం) వద్ద నుంచి పొందవచ్చు. లేకపోతే వెబ్‌సైట్ నుంచి డౌన్‌లోడ్ చేసుకోవచ్చు.
✧ ఈ దరఖాస్తు ఫామ్‌లో ఇచ్చిన 27 కాలమ్స్‌లో అభ్యర్థికి సంబంధించిన అన్ని వివరాలను నమోదు చేయాలి.
✧ పూర్తి చేసిన దరఖాస్తు ఫామ్‌కు ఆధార్‌ కార్డు, రేషన్ కార్డు లేదా ఆదాయ ధ్రువపత్రం, కుల ధ్రువీకరణ పత్రం తదితరాల జిరాక్స్ ప్రతులను జత చేసి ఎంపీడీవో కార్యాలయం/ మున్సిపల్ కార్యాలయాల్లో సమర్పించాలి. ఆన్‌లైన్‌లో దరఖాస్తు సమర్పించలేని వారి కోసం మున్సిపాలిటీ కార్యాలయంతో పాటు జిల్లాలోని అన్ని మండల పరిషత్‌ కార్యాలయాల్లో ప్రత్యేక సహాయ కేంద్రాలను ఏర్పాటు చేశారు.

రాజీవ్ యువ వికాసం ఆన్‌లైన్ అప్లికేషన్ :

Apply Online:

BK Technologies, H No 7-3-C-97, 

Near Lord Sri Venkateshwara Swami 

Temple, Panagal, Nalgonda Dist, 

Pincode 508001, Telangana

దరఖాస్తు స్టేటస్ ఎలా తెలుసుకోవాలి?

మీ దరఖాస్తుకు సంబంధించిన సమాచారం కోసం జిల్లా బీసీ వెల్‌ఫేర్ అధికారికి ఫోన్ చేసి కొనుక్కోవచ్చు. హెల్ప్‌లైన్ నెంబర్ 040-12345678కి ఫోన్ చేయవచ్చు.

ఎంపిక ప్రక్రియ ఎలా?

రాజీవ్‌ యువ వికాసం పథకానికి రోజుకు లక్ష దరఖాస్తులు వస్తున్నాయని అధికారులు తెలిపారు. ఈ ఏడాదికి ఎస్సీ, ఎస్టీ, బీసీ, మైనారిటీ, ఈబీసీ వర్గాల్లోని 5 లక్షల మందికి యూనిట్లు మంజూరు చేయాలని ప్రభుత్వం లక్ష్యంగా పెట్టుకుంది. దరఖాస్తు గడువు ముగిసిన తర్వాత అర్హుల ఎంపిక ప్రక్రియ ప్రారంభమవుతుంది.

దరఖాస్తుదారులు ఏ యూనిట్‌నైనా ఎంపిక చేసుకోవచ్చు. సంబంధిత రంగాల్లో అప్పటికే అనుభవం ఉన్న వారికి, నైపుణ్యం కలిగిన వారికి ఎంపికలో ప్రాధాన్యం ఇస్తారు. తొలుత మండల స్థాయి పరిశీలన కమిటీ, బ్యాంకు అధికారులు పరిశీలించి.. జిల్లా స్థాయికి పంపిస్తారు. ఆ తర్వాత జిల్లా స్థాయిలో అధికారులు పరిశీలించి నిబంధనల ప్రకారం యూనిట్‌ను మంజూరు చేస్తారు.

ఒకే గ్రామంలో ఒకే రకమైన యూనిట్‌ను ఎక్కువ మంది ఎంపిక చేసుకొని నెలకొల్పితే అది విఫలమయ్యే ప్రమాదం ఉంటుంది. అందువల్ల వచ్చిన దరఖాస్తులు, ఎంపిక చేసిన యూనిట్లు, వాటి మనుగడను పరిగణనలోకి తీసుకుంటూ అర్హులను ఎంపిక చేయాలని అధికారులకు మార్గనిర్దేశకాలు జారీ చేశారు. ఎక్కువ మంది ఒకే రకమైన యూనిట్లు ఎంపిక చేసుకుంటే వాటిని మార్చుకునే అవకాశం కూడా కల్పిస్తారు. అర్హుల ఎంపిక తర్వాత వారు ఏర్పాటుచేసిన యూనిట్లను కలెక్టర్లు, అధికారులు నిరంతరం పర్యవేక్షిస్తూ అవసరమైన సహాయ సహకారాలు అందిస్తారు. ఏ దశలోనూ మధ్యవర్తులను నమ్మొద్దనీ, సబ్సిడీ రుణాలు ఇప్పిస్తామంటూ సంప్రదించే వ్యక్తులను నమ్మవద్దని అధికారులు సూచించారు.

రాజీవ్ యువ వికాసం పథకం ప్రయోజనాలు ఏంటి?

★ నిరుద్యోగులైన యువత స్వయం ఉపాధి అవకాశాలను సృష్టించుకోవచ్చు.
★ లబ్ధిదారులకు యూనిట్ నెలకొల్పేందుకు ప్రభుత్వం నుంచి 4 లక్షల రూపాయల వరకు ఆర్థిక సాయం అందుతుంది.
★ ఎస్సీ, ఎస్టీ, బీసీ, మైనార్టీ వర్గాల్లో నిరుపేదలకు ప్రయోజనం కలుగుతుంది.
★ పేదరిక నిర్మూలనకు రాజీవ్ యువ వికాసం పథకం తోడ్పడుతుంది.
★ ఈ పథకంలో పరోక్షంగా స్థానికంగా ఉన్న ఇతరులకు ప్రయోజనం కలుగుతుంది (వారి ఉత్పత్తులకు అందుబాటులోనే గిరాకీ లభిస్తుంది).
★ గ్రామాల పురోభివృద్ధికి ఈ పథకం దోహదపడుతుంది.

ముఖ్యమైన తేదీలు:

పథకం ప్రారంభ తేదీ: 15 మార్చి 2025
దరఖాస్తుకు చివరి తేదీ: 14 ఏప్రిల్ 2025
మంజూరు పత్రాల పంపిణీ: 2 జూన్ 2025

రాజీవ్ యువ వికాసం పథకానికి సంబంధించి ఏమైనా సందేహాలుంటే..

ఫోన్ చేయాల్సి నంబర్: 040-23120334

ఫిర్యాదు చేయాల్సిన ఇ-మెయిల్ ఐడీ: helpdesk.obms@cgg.gov.in

ముఖ్యమైన లింక్‌లు:

రాజీవ్ యువ వికాసం అధికారిక వెబ్‌సైట్:

tgobmmsnew.cgg.gov.in

రాజీవ్ యువ వికాసం పథకం పూర్తి వివరాలు
Rajiv Yuva Vikasam details
ఈ పథకం తెలంగాణలోని నిరుద్యోగ యువతకు ఒక గొప్ప అవకాశం అని చెప్పవచ్చు. దీని ద్వారా వారు స్వయం ఉపాధి పొంది, ఆర్థికంగా అభివృద్ధి చెందవచ్చు. ప్రభుత్వం అందిస్తున్న ఈ అవకాశాన్ని వెంటనే సద్వినియోగం చేసుకోండి..

రాజీవ్ యువ వికాసం పథకం గురించి తరచుగా అడిగే ప్రశ్నలు (FAQs):

1. రేషన్‌కార్డు, ఆదాయ ధ్రువీకరణ పత్రం లేకున్నా రాజీవ్ యువ వికాసం పథకానికి దరఖాస్తు చేసుకోవచ్చా?
   రేషన్‌కార్డు, ఆదాయ ధ్రువీకరణపత్రంలో ఏదైనా ఒకటి తప్పనిసరిగా ఉండాలి. రేషన్‌కార్డు లేనివారు ఆదాయ ధ్రువీకరణపత్రానికి దరఖాస్తు చేసుకుంటే రెండు రోజుల్లో ఇస్తారు. మీ సేవా కేంద్రాల నుంచి వీటిని పొందవచ్చు.
2. ఆన్‌లైన్‌లో దరఖాస్తు చేశాక ఎడిట్‌ ఆప్షన్‌ ఉందా?
   ఈ పథకానికి దరఖాస్తు చేసుకున్న వారు ఏమైనా మార్పుల కోసం ప్రజాపాలన సేవా కేంద్రంలో అర్జీలు ఇవ్వవచ్చు.
3. దరఖాస్తులోని 71 ఆప్షన్‌లో వ్యాధి నిర్ధారణ కేంద్రాల ఏర్పాటు అని ఉంది? అంటే ఏమిటి?
   డయాగ్నస్టిక్‌ కేంద్రాల ఏర్పాటు కోసం ఈ స్కీమ్‌ను పెట్టారు. రాజీవ్ యువ వికాసం పథకం కింద మొత్తం 83 విభాగాల్లో ఇండస్ట్రీ సర్వీస్‌ బిజినెస్‌లో ఫొటోగ్రఫీ, రెడిమేడ్‌ గార్మెంట్స్, ట్రైబల్‌ జువెలరీ, వెహికిల్‌ రిపేర్‌తో పాటు డయాగ్నస్టిక్‌ కేంద్రాలు, మినీ కోళ్లఫారమ్‌ లాంటివి పెట్టుకోవచ్చు.
4. గతంలో కార్పొరేషన్‌లో రుణం కోసం దరఖాస్తు చేసుకున్నాను. కానీ, లోన్ రాలేదు. రాజీవ్ యువ వికాసం పథకానికి దరఖాస్తు చేద్దామంటే తీసుకోవడం లేదు? ఏంచేయాలి?
   ఆన్‌లైన్‌లో దరఖాస్తు తీసుకోకుంటే ఆఫ్‌లైన్‌లో దరఖాస్తు చేసుకునే వెసులుబాటు ఉంది. వెబ్‌సైట్ నుంచి దరఖాస్తు ఫామ్‌ను డౌన్‌లోడ్‌ చేసుకొని, నింపిన తర్వాత మున్సిపల్‌ కార్యాలయం/ ఎంపీడీవో కార్యాలయంలో సమర్పించవచ్చు. ఆ తర్వాత సంబంధిత కార్పొరేషన్/ శాఖ నుంచి ఎన్‌వోసీ తెచ్చుకుంటే రాజీవ్ యువ వికాసం పథకం కింద రుణం మంజూరవుతుంది